Kúlttik «Stranger Things» serıalynyń birinshi maýsymyn endi VHS stılindegi pishimde kórýge bolady. Netflix platformasy kútpegen jerden jankúıerlerdi qýantyp, 1980-jyldardaǵy beınekassetadan kórý áserin beretin nusqasyn shyǵardy. Bul týraly infohub.kz habarlaıdy.
Jańa nusqa eski beınekassetalardyń barlyq sıpatty belgilerin aldy: 4:3 qatynasy, túıirshikti keskin, azdap bulyńǵyrlyq jáne analogtyq beıne áseri. Kadr pan-and-scan tehnologıasymen qıylǵan, sondyqtan serıal eski kıneskopty teledıdarlardaǵydaı kórinedi.
Serıaldyń jasaýshylary Daffer aǵaıyndylarynyń aıtýynsha, eger serıal kassetasy oıdan shyǵarylǵan Hokıns qalasyndaǵy Family Video beıneprokatynyń sóresinde tursa, «Stranger Things» dál osylaı kórinetin edi. Tipti Netflix-tiń fırmalyq zastavkasy da VHS dáýirine beıimdelgen, al túpnusqa dybys joly saqtalǵan.
Eger eksperıment kórermenderge unasa, Daffer aǵaıyndylary serıaldyń qalǵan maýsymdary da osyndaı pishimde shyǵýy múmkin ekenin joqqa shyǵarmaıdy. Buǵan deıin «Stranger Things» jasaýshylary 20 jyldan keıin Odınnadsat keıipkeriniń taǵdyryn ashatyny týraly habarlanǵan bolatyn.