Nissan kompanıasy AQSh naryǵyna arnalǵan Altima (Teana) sedany men Rogue PHEV (X-Trail) gıbrıdiniń óndirisin resmı túrde toqtatatynyn rastady. Bul modelder kompanıanyń negizgi aımaqtardyń birindegi pozısıalaryn qalpyna keltirýge kómektesetin jańa kólikterge jol beredi, dep habarlaıdy infohub.kz.
Nissan kompanıasynyń Soltústik Amerıkadaǵy ónimder jáne josparlaý jónindegi aǵa vıse-prezıdenti Pons Pandıkýthıranyń aıtýynsha, keıbir naryqtarda Teana dep atalatyn Altima derlik 30 jyldyq konveıerden keıin satylymnan joǵalady. Kompanıa sedandarǵa suranys tómendeı beretinin jáne AQSH-taǵy brendtiń jalǵyz jeńil avtomobıliniń róli Sentra-nyń jańa býynyna ótetinin esepteıdi.
Nissan Altima amerıkandyq qurastyrylǵan eń qoljetimdi sedandardyń biri boldy jáne baǵasy 28,8 myń dollardan (shamamen 13,5 mln teńge) bastaldy.
Qaıta qurylymdaýdyń taǵy bir qurbany Rogue PHEV boldy — qazaqstandyqtarǵa tanys X-Trail-diń soltústikamerıkandyq nusqasy. Mitsubishi Outlander PHEV bazasynda jasalǵan gıbrıd Nissan óz tehnologıasyn ázirlep jatqanǵa deıin ýaqytsha sheshim retinde oılastyrylǵan edi.
2027 jyly-aq Nissan Rogue jańa e-Power qýat qondyrǵysyn alady, sondyqtan PHEV nusqasyna qajettilik joıyldy.
Eki modelden bas tartý Nissan modeldik qataryndaǵy aýqymdy ózgeristerdiń bóligi boldy. Buǵan deıin kompanıa Versa men Maxima shyǵarýdy toqtatatynyn jarıalap, jańa elektrosedandar jasaý josparlarynan bas tartqan bolatyn. Barlyǵy óndirýshi satylymy tómen 11 modeldi alyp tastaýdy kózdep otyr. Bosatylǵan qýattar uzaq kútken Xterra jol talǵamaıtyn kóligi qosa alǵanda, jańa avtomobılderdi qurastyrýǵa jumsalady. Xterra brend qataryna qaıta oralýy tıis.
Buǵan deıin Nissan jáne Infiniti-diń tórt jańa modeli jyl sońyna deıin Qazaqstanda shyǵatyny habarlanǵan bolatyn.