«Nobel Almaty Farmasevtıkalyq Fabrıkasy» kompanıasynyń bas dırektory Selchýk Tanryverdı 2025 jylǵa 93 mln teńge kóleminde syıaqy aldy. Bul somaǵa jalaqy jáne basqa da tólemder kiredi, dep habarlaıdy infohub.kz saıty.
Ótken jylmen salystyrǵanda syıaqy mólsheri 17 paıyzǵa ósken. Basshynyń ortasha aılyq tabysy 7,75 mln teńgeni qurady. Túrkıa azamaty Selchýk Tanryverdı 2006 jyldan beri bas dırektor qyzmetin atqaryp keledi, sonymen qatar Túrkıadaǵy Nobel kompanıasynyń basqarma tóraǵasynyń orynbasary bolyp tabylady.
Qazaqstandyq kásiporynnyń jyldyq paıdasy 11 paıyzǵa artyp, 27,8 mlrd teńgege jetti. «Nobel AFF» 2002 jyly Almaty farmasevtıkalyq fabrıkasynyń bazasynda qurylǵan. Qazirgi ýaqytta kompanıa naryqta 228 dárilik preparat túrinde usynylǵan 104 molekýlany óndiredi.
Kásiporyn 1964 jyly qurylǵan túrik holdıńi Nobel Pharmaceuticals quramyna kiredi. Holdıń bes zaýytty basqarady: úsheýi Túrkıada, bireýi Qazaqstanda jáne bireýi Ózbekstanda. Qazaqstandyq Nobel kompanıasynyń resmı quryltaıshysy — Túrkıa azamaty Ýlýsoı Hasan Ýgýr, oǵan daýys beretin aksıalardyń 90 paıyzy tıesili.
Buǵan deıin túrik kompanıasy Nobel Qazaqstanda quny 40 mlrd teńge bolatyn jańa farmasevtıkalyq zaýyt salý týraly ınvestısıalyq kelisimge qol qoıǵany habarlanǵan bolatyn.