Krıstofer Nolannyń «Odısseıa» epıkalyq dramasy álemdik prokatta tórtinshi demalys kúnderiniń qorytyndysy boıynsha eki tarıhı rekord ornatty, dep habarlaıdy infohub.kz saıty.
Variety basylymynyń dereginshe, Gomer poemasynyń ekrandaǵy nusqasy búkil álem boıynsha 1,1 mıllıard dollar jınady. Soltústik Amerıkada 461 mıllıon dollar, al halyqaralyq naryqtarda 643 mıllıon dollar tústi. Bul kórsetkish fılmge «Qara seri: Dańqtyń qaıta oralýy» blokbasterin (1,085 mıllıard dollar) basyp ozyp, Nolannyń mansabyndaǵy eń tabysty fılm atanýǵa múmkindik berdi.
Sonymen qatar, týyndy Djeıms Kemeronnyń «Avatarynan» ozyp, IMAX formaty tarıhyndaǵy eń kasalyq fılm ataǵyn ıelendi. IMAX zaldarynda fılmniń jınaǵan qarjysy 289 mıllıon dollardy qurady, al burynǵy rekordshyda 271 mıllıon dollar bolǵan edi.
Bas róldegi Mett Deımon oınaǵan «Odısseıa» tarıhta túgeldeı IMAX kameralarymen túsirilgen alǵashqy tolyqmetrajdy fılm boldy. Qytaıda prokat 14 tamyzda bastalady, bul fılmniń qorytyndy kórsetkishterin odan ári arttyrýǵa múmkindik beredi.