Reseıdiń Novosibir qalasynda kámeletke tolmaǵan qyz balalar alańynda eki balaǵa pyshaqpen shabýyl jasady dep kúdikke ilindi, dep habarlaıdy infohub.kz saıty.
Reseıdiń iri SHOT Telegram-arnasy habarlaǵandaı, Novosibirdiń Lenın aýdanynda 10 jáne 4 jastaǵy eki balaǵa shabýyl jasaldy — olar balalar alańynda serýendep júrgende pyshaq jaraqatyn aldy.
Oqıǵaǵa 12 jasar qyz kúdikti. Ol buǵan deıin ájesine pyshaqpen shabýyl jasaǵany úshin shamamen 6 aı májbúrli emdeýde bolǵan.
Mash dereginshe, balalar arasynda janjal týyndaǵan bolýy múmkin. Qazir zardap shekkender aýrýhanada, bireýi ish qýysynyń tesilgen jaraqatymen jansaqtaý bóliminde jatyr.
RIA Novostı basylymyna Novosibir oblysy boıynsha Bas polısıa basqarmasy oqıǵa týraly aqparatty rastady. Polıseıler Novosibirdegi oqıǵanyń mán-jaıyn anyqtap jatyr.
«Aldyn ala anyqtalǵandaı, 12 jasar qyzdyń áreketinen 2015 jáne 2022 jyly týǵan kámeletke tolmaǵandar zardap shekti. Kámeletke tolmaǵan qyz zańdy ókilderiniń erip júrýimen tergeý úshin polısıa bólimine jetkizildi», — delingen habarlamada.