Raqatsyz ótse de ómir jasym,
Bul jónimnan Qudaıym aıyrmasyn.
Uzaq jolǵa nıet qyp bir shyqqan soń,
Jarym joldan qaıtpaspyn, qaryndasym!
Sý da bolar ol jolda, taý da bolar,
Jaýdyń oǵy, jaıǵan tor, aý da bolar.
Mynaý paıda,mynasy zıan demek,
Ol erliktiń isi emes, saýda bolar.
Shaldyǵatyn, sharshaıtyn jerler de bar,
Shaldyqqanǵa muqalmas erler de bar.
Qaıratanyp, qajymaı tyrmyssań da,
Shyqqyzbaıtyn jolyńdy erler de bar.
Sharshaıdy dep oılama shaldyqqanan,
Uzaqsynyp jatpaspyn jalyqqannan.
Jurt, qolymnan kelmese, ókpelemes,
Baryn saqtap, men aıap, alyp qalman.
El munymdy bilemin uqpaıtynyn,
Kótermege talǵanda shyqpaıtynyn,
Shalys basyp aıaqty, jyǵylǵanda,
«Jatqanyńnan turma!» dep myqtaıtynyn.
Men ólsem de ólemin jónimmenen,
Tónnen basqa nemdi alar ólim menen?!
Ólgen kúni aparyp tyǵary - kór,
Men joq bolman kómilip tánimmenen.
Tán kómiler, kómilmes etken isim,
Oılaıtyndaı men emes bir kúngisin.
Jurt uqpasa, uqpasyn, jabyqpaımyn,
El búginshil, meniki erteńgi úshin.

---