Aıanhan Omarov Threads áleýmettik jelisinde Shymkenttegi Nuraı Serikbaıdyń ólimi isi boıynsha alǵashqy sot otyrysynyń kúnin jarıalady. Bul týraly infohub.kz saıty habarlaıdy.
Zańgerdiń aıtýynsha, aldyn ala tyńdaý 21 shilde kúni saǵat 10:00-de Shymkenttiń qylmystyq ister jónindegi mamandandyrylǵan aýdanaralyq sotynda ótedi. Tyńdaý barysynda sot isti máni boıynsha qaraýǵa taǵaıyndaý, dáleldemelerdi zertteý tártibin anyqtaý, sondaı-aq alqabılerdiń qatysý múmkindigin qarastyrady.
Eske sala keteıik, qylmys 11 qańtar kúni keshke Shymkentte Tólemetov pen Ótegenov kósheleriniń qıylysyndaǵy jaıaý júrginshiler ótkelinde beınejazbaǵa túsip qalǵan. Kadrlardan qyzdyń qashýǵa tyrysqany, sodan keıin qarsylyq kórsetkeni, al jigittiń ony uryp-soǵyp, pyshaqtap, sodan keıin qashyp ketkeni kórinedi.
Polısıa qylmystyq is qozǵady, kúdikke marqumnyń tanysy ilikti. Kúdikti Shymkentten 10 km qashyqtyqta ashyq jerde ustaldy. Marqumnyń týystary onyń stalker bolǵanyn aıtty. Sáýirde kúdikti májbúrlep emdeýge mamandandyrylǵan mekemege jiberildi, alaıda saraptama ony esi durys dep tanydy. Mamyr aıynyń sońynda ol Talǵardaǵy medısınalyq ortalyqtan Shymkentke qaıta aýystyryldy. Bir aı buryn bul istiń tergeýi aıaqtalǵany habarlanǵan.