Shymkenttegi 21 jastaǵy stýdent Nuraı Serikbaıdyń óltirilýine qatysty sot prosesi 21 shildede bastalady. Bul týraly advokat Aıanhan Omarov infohub.kz saıtyna habarlady.
Qorǵaýshynyń aıtýynsha, aldyn ala otyrysta isti sýdıa nemese alqabıler alqasy qaraıtyny sheshiledi. Sondaı-aq memlekettik aıyptaýshy (prokýror) anyqtalyp, kelesi tyńdaýdyń kúni belgilenedi. Sonymen qatar, proses formaty: ashyq, jabyq nemese onlaın-translásıa múmkindigimen ótetini aıqyndalady.
Qaıǵyly oqıǵa 2026 jylǵy 11 qańtar keshke Shymkentte bolǵan. Nuraı úıinen shyǵyp, onyń sońyna bir er adam túsken. Qyz qashýǵa tyrysqanymen, kúdikti ony qýyp jetip, birneshe ret pyshaqtap, oqıǵa ornynda kóz jumdy. Kúdikti onyń tanysy bolyp shyqty.
Qyzy qaıtys bolǵannan keıin otbasy kúdiktiniń Nuraıdy uzaq ýaqyt qýdalap, qorqytqanyn aıtty. Qyz polısıaǵa aryzdanǵan, biraq týǵandarynyń sózine qaraǵanda, tıisti shara qoldanylmaǵan.
Oqıǵadan keıin prezıdent Qasym-Jomart Toqaev Shymkent qalalyq polısıa departamentiniń is-áreketine tekserý júrgizýdi tapsyrdy. Nátıjesinde Shymkent qalalyq PD basshysy men onyń birinshi orynbasary qyzmetinen bosatyldy.