Shymkentte 21 jastaǵy Nuraı Serikbaıdy óltirý isi boıynsha alǵashqy sot otyrysy taǵaıyndaldy. Aldyn ala tyńdaý 2026 jyldyń 21 shildesinde saǵat 10:00-de qylmystyq ister jónindegi mamandandyrylǵan aýdanaralyq sotta ótedi, dep habarlaıdy infohub.kz saıty.
Bul týraly jábirlenýshi taraptyń advokaty Aıanhan Omarov málimdedi. Onymen birge otbasynyń múddesin advokat Muhammedjan Ahmetov qorǵaıdy. Aldyn ala tyńdaý barysynda sot isti máni boıynsha qaraýǵa daıyndyǵyn, dáleldemelerdi zertteý tártibin anyqtaıdy, sondaı-aq alqabılerdiń qatysýy múmkindigi týraly máseleni sheshedi.
Eske salaıyq, qaıǵyly oqıǵa 2026 jylǵy 11 qańtar keshinde Shymkentte boldy: 21 jastaǵy stýdent Nuraı Serikbaı birneshe pyshaq jaraqatynan kóz jumdy. Qatygez óltirýde 28 jastaǵy, qyzdyń tanysy Sherhan Aımahanǵa kúdik keltirilýde. Shabýyldan keıin ol jasyrynǵan, biraq 13 qańtarda Shymkentten 10 shaqyrym jerde polısıamen ustaldy. Sotqa deıingi tergeý kezeńinde kúdikti mamandandyrylǵan mekemege májbúrlep emdelýge jiberilgen bolatyn.
Budan buryn Nuraı Serikbaıdy qatygez óltirý týraly qylmystyq is Shymkent sotyna jiberilgen edi. Jábirlenýshiler tarapy otyrystardyń barynsha jarıaly bolýyna qol jetkizýdi kózdeıdi.