Astanadaǵy «Nurly jol» vokzalynyń úshinshi qabatynda tóbeniń bir bóligi qulady, dep habarlaıdy infohub.kz saıty.
Syrmedia.kz ınternet-basylymy oqıǵa týraly vıdeo jarıalady. Kadrlarda tóbeniń bir bóligi vokzaldyń panoramalyq terezeleriniń biriniń janynda edende jatqany kórsetilgen.
Tilshi «Qazaqstan temir joly» UK» AQ baspasóz qyzmetine júgindi. Onda keshe saǵat 19:45-te «Nurly-Jol» vokzal kesheniniń úshinshi qabatynda tóbeniń bir bóligi qulaǵany rastaldy.
«Vokzal kesheniniń qyzmetkerleri zaqymdalǵan jerdi tekserip, nóser kárizi júıesiniń qubyr jalǵaýlarynyń zaqymdanǵanyn anyqtady. Qazirgi ýaqytta tigisterdi germetızasıalaý jáne nóser kárizi júıesiniń qubyr jalǵaýlaryn qalpyna keltirý jumystary júrgizildi. Jóndeý jumystarynan keıin zaqymdalǵan aımaq tazartylyp, jýylyp, bógde zattar alynyp tastaldy», — delingen baspasóz qyzmetiniń habarlamasynda.