Qazaqstandyq akter ári prodúser Nurtas Adambaı er akterler áıel kıimin kıgen barlyq fılmderin óshirgenin málimdedi, dep habarlaıdy infohub.kz saıty.
«KınoSolıdarnost YouTube-arnasyna bergen suhbatynda Adambaı AQSH-qa kóshkenin aıtyp, ómirinde kóp nárseni qaıta qarastyrǵanyn moıyndady. Ol keıipkerleri áıel kıimin kıgen fılmderin barlyq resmı kózderden óshirý týraly sheshim qabyldaǵanyn atap ótti.
«Shekaraǵa qatysty... Men buryn bir pikirdi ustandym, biraq adam kózqarasyn ózgerte alady. Men túsirgen fılmderge kelsek, shynymdy aıtsam, olardy óshirdim, olar resmı túrde joq, múmkin bireý ruqsatsyz bir jerde qoıyp júr, biraq resmı túrde bul fılmder esh jerde joq, sebebi men pikirimdi ózgerttim. Búgin men mundaı kınony túsirmegen jáne kórsetpegen durys dep esepteımin, onda er adam áıel kıimin kıýi múmkin. Men bul jerde pikirimdi ózgerttim, biraq buryn óz pikirimdi qatty ustanyp, kerisinshe dáleldep edim», — dedi Adambaı.
Ol memleket teledıdar men kınoteatrlarda ne kórsetiletinin qadaǵalap, sheshim qabyldaýy kerektigin qosty. Sondaı-aq, fılmder qylmysty romantıkalandyrmaýy kerek dep málimdedi.