Nú-Iork meri Zohran Mamdanı The New York Times gazetine bergen suhbatynda, eger Izraıl premer-mınıstri Bınámın Netanáhý qalaǵa kelse, ony ustaýdyń quqyqtyq negizderin zerttep jatqanyn aıtty, dep habarlaıdy infohub.kz.
Qala basshysy bul úshin arnaıy zań shyǵarmaıtynyn, kerisinshe quqyqtyq aıada áreket etetinin atap ótti. «Nú-Iork qalasyndaǵy zań maǵan ne ruqsat etse, sonyń bárin jasaımyz, biraq sol maqsatta óz zańdarymyzdy jazbaımyz... Zań departamentimizben belsendi talqylaý júrip jatyr», — dedi ol. Ol ızraıldik premerdiń Nú-Iorkke BUU Bas Assambleıasyna kelýi jaǵdaıynda ustalý múmkindigin aıtty.
Mamdanı sondaı-aq Netanáhýǵa qatysty Halyqaralyq qylmystyq sot (HQS) tarapynan qoıylǵan áskerı qylmys aıyptaryna silteme jasady. Saılaýaldy naýqan kezinde saıasatker, eger saılansa, Netanáhý qalaǵa kelgen jaǵdaıda Nú-Iork polısıa basqarmasyna ony qamaýǵa alý týraly buıryq beretinin málimdegen bolatyn.