Aty ańyzǵa aınalǵan brıtandyq Oasis rok-toby 2027 jylǵa aýqymdy týr jarıalady: mýzykanttar 38 konsert beredi. Alaıda kestege TMD elderiniń birde-bireýi, onyń ishinde Qazaqstan da enbedi, dep habarlaıdy infohub.kz saıty.
Týr mamyr aıynda Glazgodaǵy bes konsertten bastalady. Sodan keıin Oasis Manchesterge attanyp, Etihad stadıonynda 11 shoý ótkizedi. Odan ári top Múnhen, Barselona, Amsterdam, Parıj, Rım, Boston jáne Las-Vegasta óner kórsetedi.
Týr qyrkúıekte brıtandyq Knebvort qalasyndaǵy tórt konsertpen aıaqtalady. Dál osy jerde Oasis 1996 jyly eki ret óner kórsetip, barlyǵy shamamen 250 myń kórermen jınaǵan edi.
Kestede barlyǵy 38 konsert bar. Top sahnaǵa qaıta oralǵannan keıin týyndaǵan bılet ajıotajyna jol bermeý úshin jankúıerlerge satylymǵa qol jetkizý úshin aldyn ala tirkelý usynyldy. Standartty bıletterdiń baǵasy $96-den $360-qa deıin (43 myńnan 161 myń teńgege deıin) bolady.
Oasis 2009 jyly Noel men Lıam Gallaher aǵaıyndylardyń arasyndaǵy shıelenisti qarym-qatynastyń kesirinen tarap ketken. 2024 jyly mýzykanttar qaıta birigetinin jarıalady, al 2025 jyly 15 jyldyq úzilisten keıin sahnaǵa qaıta oraldy.
Oasis-tyń qazaqstandyq jankúıerleri jańa týrdan ázirge konsertsiz qaldy. Kestede Qazaqstan da, TMD-nyń basqa elderi de joq. Degenmen Almatydaǵy top jankúıerleri Gallaher aǵaıyndylardy, mysaly, Ortalyq stadıonda kórgisi keletini sózsiz.
Buǵan deıin Kursiv LifeStyle Oasis tobynyń aty ańyzǵa aınalǵan Wonderwall áni shyqqanyna shamamen 30 jyl ótken soń amerıkandyq Billboard Hot 100 chartyna qaıta engenin jazǵan bolatyn. Hıtke ekinshi ómirdi Anglıa quramasynyń jankúıerleri syılady: olar 2026 jylǵy fýtboldan álem chempıonatynda bul kompozısıany komandanyń beıresmı ánuranyna aınaldyrdy.