Reper Djıgannyń burynǵy jubaıy Oksana Samoılova Máskeýdiń Savelovskı aýdandyq sotyna ánshiniń ata-analyq quqyǵyn shekteýdi surap talap aryz berdi, dep habarlaıdy infohub.kz saıty.
Bul týraly reseılik iri SHOT Telegram-arnasy málimdedi. Onyń dereginshe, bloger aryzynda kámeletke tolmaǵan balalardyń turǵylyqty jerin de anyqtaýdy suraǵan — ol balalardyń ózimen birge turýyn qalaıdy.
Ázirge Oksana Samoılova da, onyń burynǵy jubaıy da aryz jóninde eshqandaı túsinikteme bergen joq.
Buǵan deıin Djıgannyń burynǵy áıeliniń advokaty reperdi ata-analyq quqyǵynan aıyrý múmkindigi týraly suraqqa jaýap bergen edi.
Eske salaıyq, 23 qyrkúıekte buqaralyq aqparat quraldary Djıgan adamdardy kepilge alyp, óz úıinde oq jaýdyrǵan dep habarlaǵan. 3-4 shildege qaraǵan túni ol úı qyzmetkerlerin shaqyryp alyp, qarýmen túsinisý uıymdastyrǵan delingen.
Ol qyzmetkerlerdi qylmys jasady dep aıyptap, ómirlerin saqtap qalý úshin moıyndaýǵa shaqyrǵan jáne oq atqan dep habarlandy.
Keıin Djıgan BAQ pen áleýmettik jelilerdegi jarıalanymdar shyndyqqa sáıkes kelmeıtinin málimdedi. Reper qyzmetkerlerge oq atqanyn joqqa shyǵarady. Sonymen qatar ánshi qazir ońaltý ortalyǵynda jatqanyn rastady.
Kóp uzamaı Reseıde polısıa reper Djıgannyń úıindegi atys jáne adam kepilge alý týraly habarlamalardan keıin tekserý bastady.