Óleń degen týmaıdy jaıshylyqta,
Óleń degen týlaıdy qaıshylyńta.
Aqyn bolsań jarqynym, alysqa attan,
Kúndelikti tirlikke boı sýytpa.
Aıshylyq jol...
Shóldeısiń, zaryǵasyń,
Armandaısyń, ańsaısyń, saǵynasyń.
Jol azabyn kóresiń, kóresiń de
Ashynasyń, birese baǵynasyń.
Dalamenen júresiń, taý asasyń,
Sezesiń bıigin de alasasyn.
Kenezeń kepkende bir, laı sýǵa
Kez kelgen maqulyqpen talasasyń.
Sapar uzaq.
Taǵy da aıańdaısyń,
Alypqashpań basylyp, baıaýlaısyń.
El shetine jetesiń, jetesiń de
Kórgenińniń bárisin baıandaısyń.
Mine, osylaı óleńniń kilti degen,
Quıttaı júıeń qalmaıdy silkimegen.
Attanam dep alysqa, aıdalada
Adaspaıtyn bolǵaı-dy shirkin óleń.

---