Saıa bolyp janyńa emen, terek,
Jeter endi jatqanyń kóleńkelep.
Ógeısinbeı ózi bop qalý úshin,
Óner kerek urpaqqa, óleń kerek!
Esińde me, túnderiń kóz ilmegen?
Kezýde oıyń ómirdi, kezýde óleń.
Arǵy atasy adamnyń - sezim bolsa,
Adam emes, sezimdi sezinbegen.
Arǵy atasy aqynnyń jyrdan týǵan,
Jyr jolynda janyn da qylǵan qurban.
Jyrlar tunǵan handardyń saraıynda,
Jyr aıtylǵan besikte quldar turǵan.
Uzatylyp jat jurtqa barǵanynda,
Jyr aıtylǵan qyzdardyń jar-jarynda.
Jyrlap, jylap, jyraýlar jan tapsyrǵan,
Jyr men kúıi kúızelip barmaǵynda.
Kókeıkesti jyrlar jaz jez kıikteı,
Maqtaý, dattaý, jádigóı sózdi kútpeı.
Óleń, kerek urpaqqa, óziń meıli,
Kóleńkede qalsań qal, kózge ilikpeı!

---