Mana kókti qaptap edi qara bult,
Kún kúrkirep qorqytyp, ushyryp qut:
Kók tunjyrap muńaıyp, qabaq jaýyp,
Kóz ashqanda aspanda jarqyldap ot.
Burqyratqan ekpindi daýyl edi,
Sabap quıǵan jıirkenish jaýyn edi.
Qorqyp-sasyp, jan-janýar esi shyǵyp,
Bári-aq izdep baspana taýyp edi.
Bult aıyqty, kók júzi boldy ashyq,
Bar nárseden qaıǵy-muń ketti qashyp.
Kún sáýlesi jer júzin qushaqtady,
Qosylýǵa qashannan bolǵan asyq.
Beıne altyndaı kókte bult tur ǵoı jaınap,
Endi jel joq mazalar ony aıdap,
Janǵa raqat gúlderden hosh ıis ańqyp,
Jan berip keń dalaǵa, qustar saırap.
Ómir osy - birde ol bolar bultty,
Qatty jeldi, daýyldy, keıde otty.
Quryp dymyń, qaıǵyryp, jas tógersiń,
Bult ashylar - qaıǵynyń bári bitti.

---