Seýlde sot 20 jastaǵy Kım So Enge qatysty úkim shyǵardy. Ol BAQ-ta «eń sulý kisi óltirýshi» degen atpen tanymal. Qyz er adamdardy ýlandyrǵany úshin kináli dep tanylyp, ómir boıyna bas bostandyǵynan aıyryldy, dep habarlaıdy infohub.kz.
Sot otyrysy barysynda Kım So En qurbandardy tek uıyqtatqysy kelgenin jáne olardyń ólýi múmkin ekenin bilmegenin aıtty. Onyń sózinshe, ol jynystyq zorlyqtan qorǵaný úshin osylaı jasaǵan. Alaıda sot qylmys jasaý kezinde Kımniń preparattardyń áserinen qurbandardyń ólýi múmkin ekenin túsingenin anyqtap, onyń kisi óltirý nıeti bolǵanyn aıtty.
KakaoTalk-taǵy hat almasýlar men istiń basqa materıaldaryn zertteı kele, sýdıa jynystyq zorlyq týraly eshqandaı dálel tappady. Alty qurbannyń bireýine qatysty aýyr shabýyl jasady degen aıyptaý boıynsha sot ony kinásiz dep tanydy.
Birinshi satydaǵy sot úkimi ázirge túpkilikti emes jáne oǵan shaǵymdanýǵa bolady.