Ońtústik Koreıanyń Birigý isteri jónindegi mınıstri Chon Don En demılıtarızasıalanǵan aımaqta bolǵan mına jarylysynan keıin KHDR-ǵa kelissóz júrgizýdi usyndy, dep habarlaıdy infohub.kz saıty.
The Korea Times dereginshe, Ońtústik Koreıa vedomstvosynyń basshysy Phenánǵa áskerı demarkasıalyq shekara máselesi boıynsha ózara túsinistikti nyǵaıtý maqsatynda kelissóz júrgizýdi usyndy.
«Men Birigý mınıstri retinde Soltústikke usynys jasaımyn: biz qazir kezdesip, sóılesýimiz kerek. Biz keminde qarym-qatynasty bastap, shekara syzyǵyn tekserip, ony qaıta zertteýimiz qajet», — dedi Chon Don En jýrnalıserge.
«Interfaks» dereginshe, osy aptanyń basynda Ońtústik Koreıa KHDR-dan keshirim suraýdy jáne Seýldiń pikirinshe, demılıtarızasıalanǵan aımaqta bolǵan soltústikkoreıalyq mınalardyń jarylysyna baılanysty shara qoldanýdy talap etti. 21 qyrkúıektegi oqıǵa saldarynan úsh ońtústikkoreıalyq áskerı qyzmetshi zardap shekti.
Sol ýaqytta Soltústik Koreıa kóshbasshysynyń qaryndasy, Koreıa Eńbek partıasy OK bóliminiń meńgerýshisi Kım E Chjon Phenánnyń bolǵan jarylysqa qatysy joq ekenin málimdep, Seýldiń aıyptaýlaryn «kezekti provokasıa» dep atady.