Oqý-aǵartý mınıstri Juldyz Súleımenova úkimettegi brıfıńte ata-analardyń oqýlyqtar sapasy men jumys istemeıtin elektrondy kúndelikterge qatysty shaǵymdaryna pikir bildirdi, dep habarlaıdy infohub.kz saıty.
Jýrnalıser mektep oqýshylarynyń ata-analary oqýlyqtardyń ártúrli formattaǵy yńǵaısyzdyǵyna, sondaı-aq jumsaq muqabalardyń sapasyna — jyl sońyna qaraı oqýlyqtardyń tozyp jatqanyna shaǵymdanatynyn atap ótti.
Mınıstr bul máseleni moıyndady: «Iá, mundaı másele bar. Qazir biz jasandy ıntellekt arqyly oqýlyqtardyń jańa formatyn jasaý múmkindigin qarastyryp jatyrmyz. Bizde pılottyq joba, 40 mektepte aprobasıa ótip jatyr. Bul E-oqulyq nemese AI-oqulyq, onda barlyq oqýlyqtarymyz bir platformaǵa biriktirilgen».
Sondaı-aq ol bıyl mınıstrlik analıtıkalyq jumys júrgizip, oqýlyqtardan 700-ge jýyq qate anyqtaǵanyn aıtty. Qazir baspalarmen birge jańa basylym kezeń-kezeńimen júrgizilýde. Shymkentti qosa alǵanda, birqatar óńirlerde ata-analar jańa oqýlyqtardyń joqtyǵyna shaǵymdanǵan. Mınıstrlik jedel áreket etti: oqýlyqtar satyp alyndy, osy aptada oqýshylarǵa jetkiziledi.
Oqýlyqtardyń biryńǵaı kólemine qatysty Súleımenova bul máseleniń zerttelip jatqanyn, sheshim biryńǵaı platformasy bar AI-oqulyq jobasy bolýy múmkin ekenin aıtty. LMS-júıelerine (oqytýdy basqarý júıeleri) qatysty ol: qazir tórt LMS-júıesi jumys isteıdi, olar jergilikti atqarýshy organdarmen bilim týraly zańǵa sáıkes jumys isteıdi. Ákimdikter qandaı júıeni tańdaýǵa ózderi quqyly, sondyqtan olardyń jumys isteýine jáne derbes derekterge jaýapkershilik jergilikti atqarýshy organdarda.