Oralda Uly Otan soǵysynyń ardageri, «Halyq Qaharmany» ataǵynyń ıegeri Ivan Gapıchpen qoshtasý rásimi ótti. Ol 103 jasynda ómirden ozdy, dep habarlaıdy infohub.kz.
Bas prokýratýranyń málimetinshe, ardagerdi sońǵy saparǵa shyǵaryp salýǵa Bas prokýrordyń orynbasary Ǵalymjan Qoıgeldıev, óńirlik prokýratýralardyń basshylary, memlekettik organdardyń ókilderi, ardagerler, týystary men qala turǵyndary qatysty.
«Ivan Stepanovıchtiń esimi otandyq prokýratýra tarıhynda erliktiń, memleketke adal qyzmet etýdiń jáne óz isine berilgendiktiń sımvoly retinde máńgi saqtalady», — dedi Bas prokýrordyń orynbasary Ǵalymjan Qoıgeldıev, qadaǵalaý organynyń basshysy Berik Asylov atynan kóńil aıtty.
Ivan Gapıch Uly Otan soǵysynan ótip, Polshany, Chehoslovakıany jáne Ýkraınany azat etýge qatysty. Ol 1945 jyly 24 maýsymda Qyzyl alańda ótken Jeńis sherýine qatysýshylardyń biri boldy, al 65 jyldan keıin mereıtoılyq saltanat kezinde ol alańdy taǵy da basyp ótti.
Soǵystan keıin Gapıch 40 jyldan astam prokýratýra organdarynda qyzmet etti. Osy ýaqyt ishinde ol birneshe óńirdiń prokýratýrasyn basqardy, vedomstvonyń ortalyq apparatynda basshylyq qyzmetter atqardy, al qyzmetiniń sońǵy jıyrma jylynda Batys Qazaqstan oblysy prokýrorynyń birinshi orynbasary boldy.
«Halyq Qaharmany» ataǵy Ivan Gapıchke eldi qorǵaýǵa qosqan úlesi jáne kóp jylǵy memlekettik qyzmeti úshin berildi.