«Orıka-Qazaqstan» kompanıasynyń bas dırektory 2025 jyly 110,3 mln teńge syıaqy aldy. Bul laýazymdy Ispanıa azamaty Hose Lýıs Alonso Bergada ıelenedi, dep habarlaıdy infohub.kz.
Top-menedjerdiń ortasha aılyq tabysy shamamen 9 mln teńgeni qurady. Al «Orıka-Qazaqstan» kompanıasynyń 2025 jylǵy paıdasy 21%-ǵa ósip, 8,7 mlrd teńgege jetti.
Kásiporyn Qazaqstannyń hımıa ónerkásibinde jarylǵysh zattar shyǵarý boıynsha eń iri bolyp tabylady. Ónimniń negizgi tutynýshylary — eldiń taý-ken óndirý kompanıalary, onyń ishinde Ekibastuz kómir baseıniniń kásiporyndary, ERG, «Qazmyrysh», «Altynalmas», «Qazaqmys» jáne basqalary.
Kompanıanyń menshik qurylymy kelesideı: 51% brıtandyq Orica UK Limited kompanıasyna, al 49% nemistiń Orica Europe Pty Ltd & Co. KG kompanıasyna tıesili. Toptyń túpkilikti baqylaýshy aksıoneri — ónerkásiptik jarylǵysh zattar óndirisindegi álemdik kóshbasshy avstralıalyq Orica kompanıasy.
Buǵan deıin «Kýrsıv» «Shubarkól Premıým» kómir óndirýshi kompanıasy 2025 jyly atqarýshy organnyń eki múshesine jalpy somasy 245,1 mln teńge syıaqy tólegenin habarlaǵan bolatyn.