Fransıanyń ońtústigindegi orman órti Andjelına Djolı men Bred Pıtt arasyndaǵy sot daýyna talaı jyldan beri taqyryp bolyp kelgen Château Miraval sharap zaýytyna tikeleı qaýip tóndirdi. Provans aımaǵyndaǵy Korrens aýylynda ornalasqan ıelikke qaýip tónip tur, dep habarlaıdy infohub.kz saıty.
TMZ derekterine sáıkes, aýqymdy órt aýmaqty sharpydy, áýe túsirilimderinde sharap zaýyty men irgeles júzimdikterdi qalyń tútin basqany kórinedi. Baqytymyzǵa oraı, Château Miraval ǵımaraty ázirge zardap shekken joq. Órt sóndirýshiler tikushaqtar men arnaıy tehnıkany qoldanyp, otpen kúresip jatyr, sýdy ıelik aýmaǵyndaǵy kólden alady.
Bred Pıtt pen Andjelına Djolı Château Miraval-dy 2008 jyly 28,4 mıllıon dollarǵa (shamamen 13,4 mıllıard teńge) satyp alǵanyn eske salamyz. Dál osy jerde Pıtt Djolıge úılený týraly usynys jasaǵan, al 2014 jyly jup qupıa úılený toıyn ótkizgen.
2016 jyly ajyrasqannan keıin burynǵy jubaılar sharap zaýytyna baılanysty kóp jyldyq sot daýyn bastady. Pıtt Djolı óz úlesin onyń kelisiminsiz satty dep, 35 mıllıon dollar (shamamen 16,5 mıllıard teńge) kóleminde ótemaqy talap etýde. 2024 jyldyń sońynda ajyrasý prosesi aıaqtalǵanyna qaramastan, Château Miraval tóńiregindegi daý jalǵasýda.
Buǵan deıin Kursiv LifeStyle Andjelına Djolıdiń uzaq ýaqyttan beri alǵash ret jeke ómiri týraly ashyq aıtqanyn habarlaǵan bolatyn. Aktrısa 2016 jyly Bred Pıttpen ajyrasqannan keıin eshkimmen kezdespegenin moıyndady.