Sony men Marvel-diń Tom Holand basty róldegi jańa blokbasteri eki mıllıardtyq elıtalyq klýbqa enip, kıno tarıhyndaǵy eń jyldam qarqynmen jınaqtalǵan ekinshi fılm atandy, dep habarlaıdy infohub.kz.
«Órmekshi-adam: Jańa kún» sýperqaharmandyq ekshni álemdik prokatta nebári úsh ýıkend ishinde 2 mıllıard dollar jınady. Tom Holand qatysqan Pıter Parker týraly tórtinshi jeke fılm Soltústik Amerıkada 785 mıllıon dollar, al halyqaralyq naryqta 1,23 mıllıard dollar jınap, jalpy qorytyndysy 2,022 mıllıard dollardy qurady.
Bul fılm álemdik kıno tarıhynda osy mejeden asqan segizinshi týyndy boldy. Odan jyldamyraq bul kórsetkishke tek «Mstıtelı: Fınal» jetken edi, ol 11 kúnde bul deńgeıdi baǵyndyrǵan. «Jańa kún» ózinen keıin «Avatar», «Mstıtelı: Sheksizdik soǵysy» jáne «Juldyzdy soǵystar: Kúsh oıanady» sıaqty kasalyq alyptardy qaldyrdy.
Franshızanyń aldyńǵy bólimi — 2021 jylǵy «Órmekshi-adam: Úıge jol joq» fılmi Qytaıda prokatqa shyqpaǵandyqtan 1,9 mıllıard dollarda toqtap, rekord ornata almaǵan edi. Sarapshylardyń pikirinshe, qazirgi kórsetkishter bul fılmge jyldyń eń kasalyq fılmi atanýǵa múmkindik beredi.