Marvel-diń «Órmekshi-adam: Jańa kún» fılmi alǵashqy kórermender men kınosynshylardan óte joǵary baǵa aldy. Álemdik premeraǵa birneshe kún qalǵanda fılm Rotten Tomatoes saıtynda 81 resenzıa negizinde 90% «jańalyq» kórsetkishine ıe boldy, dep habarlaıdy infohub.kz.
Fılmniń oqıǵasy «Úıge jol joq» fılminiń oqıǵasynan keıin bastalady. Birneshe ýaqyttyq sekirýler arqyly kórermenderge Pıter Parkerdiń ómiri qalaı ózgergeni kórsetiledi. Merı Djeın men Ned ony áli de esine almaıdy, sondyqtan keıipker jalǵyz qalady. Onyń jańa odaqtastary qatarynda Brús Benner, Karatel jáne polısıa qyzmetkeri DeVolf bar.
Rotten Tomatoes saıtynda ásirese Tom Holandtyń oıyny joǵary baǵalanady. Kóptegen sholýshylar bul onyń Pıter Parker rólindegi eń myqty jumysy dep sanaıdy. Sondaı-aq Karatel róline oralǵan Djon Berntal men Marvel kınoáleminde tuńǵysh ret kóringen Sedı Sınk jaqsy pikirler aldy.
Synshylar fılmniń mýltıvselen týraly turaqty áńgimelerden bas tartyp, Órmekshi-adamnyń ózine mán bergenin atap ótedi. Sújettiń ortasynda keıipkerdiń eseıýi, onyń jalǵyzdyǵy, dostyǵy jáne Nú-Iorktegi ómiri. Qala ústindegi áserli ushý sahnalary, shaıqastar jáne rejıser Destın Denıel Krettonnyń jumysy erekshe maqtalady.
Keıbir resenzentter fılm tym uzyn bolyp shyqty dep sanaıdy. Onyń uzaqtyǵy shamamen 2,5 saǵatty quraıdy. Synshylardyń bir bóliginiń pikirinshe, oqıǵany qysqartýǵa jáne jeke sújettik jelilerdi azaıtýǵa bolatyn edi.
Osy eskertýlerge qaramastan, kóptegen sholýlar oń. Keıbir jýrnalıser «Jańa kúndi» Sem Reımıdiń «Órmekshi-adam 2» fılminen bergi eń úzdik Órmekshi-adam fılmi dep atasa, keıbireýleri Holand qatysqan eń jaqsy fılm deıdi. Kóptegen Marvel jankúıerleri fılmniń sońǵy jyldardaǵy stýdıanyń eń sátti premeralarynyń biri ekenin aıtady.
Metacritic agregatorynda fılm 40 sholý qorytyndysy boıynsha 100-den 69 upaı aldy. Kóptegen synshylar Marvel-diń oqıǵany neǵurlym jeke jáne «jergilikti» Órmekshi-adamǵa qaıtara alǵanyna kelisti.
«Órmekshi-adam: Jańa kún» fılminiń álemdik premerasy 31 shildede ótedi. Qazaqstanda fılm bir aptaǵa jýyq keshigip, 6 tamyzda kórsetiledi.