Iran áskerıleri Ormýz buǵazynda ruqsat etilmegen baǵytpen ótýge tyrysqan sýpertanker mınaǵa soǵylyp, órtengenin málimdedi, dep habarlaıdy infohub.kz saıty.
Basylym Tasnim-ge silteme jasap, mınaǵa soǵylǵan sýpertanker týraly Iran Islam revolúsıasy saqshylary korpýsynyń (KSIR) ókilderi aıtqanyn jetkizdi.
"Birneshe saǵat buryn erejelerdi buzǵan jáne Ormýz buǵazynyń ońtústik bóliginde zańsyz jolmen ótýge tyrysqan sýpertanker eki teńiz mınasyna soǵylyp, órtenip, tolyǵymen toqtatyldy", — delingen áskerılerdiń málimdemesinde.
KSIR teńiz kúshteri belgilegen ótý jáne júrý erejelerin saqtaý mindetti ekenin eske saldy.
"Keme qatynasymen aınalysatyn kompanıalar amerıkan áskeriniń arandatýyna berilmeýi kerek (...) jáne óz múlki men ekıpajdarynyń ómirin negizsiz táýekelge ushyratpaýy tıis", — dep eskertti áskerıler.
Eske salaıyq, birneshe kún buryn AQSh Ortalyq qolbasshylyǵynyń (CENTCOM) basshysy Bred Kýper Iran tarapy ornatqan mınalardan Ormýz buǵazyn tazartý týraly málimdegen edi.
Al búgin AQSh teńiz mınalaryn ornatýdyń aldyn alý úshin Ormýz buǵazyndaǵy Iran nysandaryna soqqy jasady. Iran Iordanıadaǵy AQSh áskerı bazalaryna jaýap soqqy jasaǵanyn málimdedi.