Ormýz buǵazynda munaı tankeri teńiz mınasyna soqtyǵysyp, jaryldy, dep habarlaıdy infohub.kz saıty.
Tasnim agenttiginiń dereginshe, keme álemdegi eń strategıalyq mańyzy bar teńiz dálizderiniń birinde Iran usynǵan baǵyttan aýytqyp, mınaǵa soqtyǵysqan, sonyń saldarynan jarylys bolǵan.
Iran bıligi bul oqıǵaǵa qatysty resmı túsinikteme bermedi. Sondaı-aq tankerdiń aty, kimge tıesili ekeni jáne apattyń saldary týraly aqparat joq.
Bul oqıǵa Ormýz buǵazynda keme júzý qaýipsizdigi boıynsha jalǵasyp jatqan kelissózder aıasynda boldy. The Jerusalem Post basylymynyń derekkózderiniń habarlaýynsha, Iran men deldal Oman osy mańyzdy marshrýt arqyly kemelerdiń ótý rejıminiń bolashaǵyn talqylaýda «birshama ilgerileýge» qol jetkizgen.
Omannyń usynystarynyń biri — teńiz qaýipsizdigi, izdeý-qutqarý operasıalary jáne basqa da yntymaqtastyq baǵyttarymen aınalysatyn óńirlik konsorsıým qurý. Derekkózderdiń aıtýynsha, mundaı qurylymǵa qatysý erikti bolýy tıis.
Alaıda Tegeran bul bastamaǵa ázirge qarsy jáne mindetti tólemderdi talap etedi. Onyń aıtýynsha, áıtpese buǵaz arqyly keme tranzıti shektelýi múmkin.