Búgin, 18 shildede, Qazaqstannyń memlekettik orman qory aýmaǵynda úsh jańa órt oshaǵy tirkeldi, dep habarlaıdy infohub.kz saıty.
Ekologıa mınıstrliginiń Telegram-arnada jarıalanǵan málimetinshe, orman órtteriniń biri Aqmola oblysynda, ekinshisi Shyǵys Qazaqstan oblysynda, úshinshisi Pavlodar oblysyndaǵy «Baıanaýyl» memlekettik ulttyq tabıǵı parkinde bolǵan.
«Órt oshaqtaryn jedel anyqtaý jáne joıý úshin memlekettik orman kúzeti qyzmetkerleri, «Qazavıaormanqorǵaý» RMK kúshteri men quraldary, sondaı-aq qajet bolǵan jaǵdaıda Tótenshe jaǵdaılar mınıstrliginiń bólimsheleri jumyldyryldy. Orman órtterin oqshaýlaý jáne tolyq joıý jumystary jalǵasýda. Ahýal turaqty baqylaýda», – dep sendirdi Ekologıa mınıstrligi.
Eldiń birqatar óńirinde órt qaýipi joǵary bolyp qalyp otyrǵandyqtan, qazaqstandyqtar ormanda jáne tabıǵat aıasynda bolǵan kezde órt qaýipsizdigi erejelerin qatań saqtaýǵa, tyıym salynǵan jerlerde ot jaǵýǵa jol bermeýge jáne barynsha saq bolýǵa shaqyryldy.