Aıaq kıimniń aıaqty bekitpeýi, tabanynyń tegis ári qatty bolýy, sondaı-aq ushtyǵynyń tarlyǵy aıaqtyń pishinin buzady. Dáriger-ortoped Sergeı Krasılnıkov óziniń jeke antıreıtıngin jasap, qaı aıaq kıimdi kıýge bolmaıtynyn atady, dep habarlaıdy infohub.kz saıty.
Maman tizimniń birinshi ornyna artqy jaǵy joq shlepansylardy qoıdy. «Bul «aıaq kıimdi» aıaqta ustap turý úshin saýsaqtar qysqyshtaı áreket etedi. Kúni boıy olar kerneýde bolady, taban qısyǵy tómendeıdi, súıek tezirek ósedi. Biz muny tek jaǵajaıda kıemiz be? Joq, biz ony dúkenge, jumysqa, qonaqqa kıemiz. Olar eshqandaı aqtalýǵa laıyq emes», — deıdi dáriger.
Ortopedtiń pikirinshe, bıik óksheli úshty aıaq kıim de eń zıandy modelder qatarynda. Tar ushtyq saýsaqtardy qysady, al ókshe búkil salmaqty aıaqtyń aldyńǵy bóligine aýdarady. Osydan aıaq qatty zardap shegedi.
Antıreıtıngke baletkalar da kirdi. Munda dáriger sýpınatordyń, amortızasıanyń jáne bekitýdiń múldem joqtyǵyn atap ótedi. Onyń aıtýynsha, aıaq «quımaqtaı jaıylyp ketedi». Bir jyldan keıin mundaı aıaq kıim jalpaq tabanǵa ákeledi.
Krasılnıkov qatty tabandy Converse jáne Vans krosovkalaryn bólek atady. «Qatty taban aıaqtyń domalaýyna múmkindik bermeıdi, soqqy tikeleı býyndarǵa tıedi. Ústine tar ushtyq — ókshedegi aýyrsyný men súıektiń jyldam ósýin alasyz. Eger sizde osyndaı krosovkalar bolsa — laqtyrmańyz. Biraq olardy kúndelikti emes, tek shyǵýǵa kıińiz», — dep túsindirdi ol.
Tizimdi tar ushtyqty, artqy jaǵy joq múlıler qorytyndylaıdy. Munda dárigerdiń pikirinshe, eń zıandy nárseniń bári jınalǵan: bekitýdiń joqtyǵy, ashyq ókshe jáne qysylǵan saýsaqtar.
Buǵan deıin Krasılnıkov bir jyl kıilgen súıikti týflılerdiń nege qysa bastaıtynyn túsindirgen bolatyn. Dáriger adamnyń jasy ulǵaıǵan saıyn aıaǵy qalaı ózgeretinin jáne jańa aıaq kıimdi kıip kórgende qandaı faktorlarǵa nazar aýdarý kerektigin aıtty.