Ot - tilsiz jaý!
Taqyryby: Órtten saq bolaıyq!
Maqsaty:
- Ottan durys qorǵana bilýge úırete otyryp, órt qaýipsizdigi erejelerin qatań saqtaýǵa úıretý.
- Adam ómirine qaýip tóndiretin zattar týraly bilimderin keńeıtý.
- Oqýshylarǵa órt qaýipsizdigi erejesin jettik bilýdiń mańyzyn uǵyndyrý. Órt qaýipsizdigi erejesin qatań saqtaý arqasynda túrli jazataıym apattyń aldyn alýǵa bolatyny týraly túsinik berý. Uqyptylyqqa, zerektikke jáne adamgershilikke tárbıeleý.
Kórnekilikter: Órt qaýipsizdigi erejeleriniń sýretteri, sirińke qorapshasy jáne gaz.

Sabaqtyń barysy:
Jumbaq:
Esikten kiredi,
Tesikten shyǵady.
(Ot)
Júrgen jerin jalmaıdy,
Tilinen jaryq taraıdy.
(Ot)
Sary atym aýnaǵan jerge shóp shyqpas.
(Ot)
- "Ot - dos, ot - jaý" degendi qalaı túsinesińder?
- "Ot ár túrli bolady" degendi qalaı túsinesińder?
Oıyn: "Ne isteıdi?" (jylytady, kúıdiredi)
- Órt sóndirýshilerdiń telefon nómiri qandaı? (Órt shyqqan jaǵdaıda dereý 101 nómirine telefon shalyp, órt sóndirý qyzmetiń shaqyrý kerek.)
- Qalaı oılaısyńdar, nelikten osy sandardy tańdaǵan?(Bul nómir qarapaıym, ári terýge jeńil.)

Oı tastaý;
- Órtti boldyrmaý úshin ne isteý kerek?
- Abaısyzda órt shyǵyp ketse bólmeden tez shyǵyp kerý kerek pe, álde órt sóndirýshilerdi kútken jón be?
- Órt týraly kim habarlaý tıis; balalar ma álde úlkender me? Nege?
- Órt bola qalǵan jaǵdaıda, sen úıde qalyp qoıdyń delik, esik qulyptaýly, seniń is - áreketiń qandaı?
- Al telefon istemeı qalǵan jaǵdaıda ne ister ediń?(Onda sen aıqaılap kórshilerden kómek sura.)
- Úıden órt shyqqan jaǵdaıda, esikti qalaı jabý kerek? Nege?
- Úıdiń ishi tútin bolǵan jaǵdaıda ne ister edińder?
- Nege tasaǵa nemese shkaftyń ishine tyǵylýǵa bolmaıdy?
- Eger kıimiń jana bastasa, ne isteý kerek? Nege?
- Eger iniń sirińke taýyp alsa, sen ne ister ediń? Nege?
- Bilesińder me, balalar, jer betinde árbir 5sekýnd saıyn órt bolyp turady eken. Órt kóp zıan keltiredi.

Maqal - mátelder maǵynasyn túsindiremin:
1. Otpen oınama.
2. Oıynnan órt shyǵady.
3. Ot pen sý - tilsiz jaý.
4. Otpen oınama - órtenesiń.
Kúz kezinde aınalanyń bári qýraı bastaıdy. Qýrap turǵan qýraı, shóp ot tıse boldy tez órtenip júre beredi. Bir - birinen tutanyp talaı jerler órtenip ketedi. Shóptiń arasynda talaı jándikterdiń, qurt - qumyrsqalardyń ıleýi, usaq ańdardyń inderi t. b bolýy múmkin. Olardyń bári kúıip ketedi. Órt - tabıǵattyń jaýy. Ol aıtyp kelmeıdi. Sondyqtan da ony tilsiz jaý dep ataıdy.

Qorytyndylaý: Sabaqqa belsendi qatysqan balalardy jeke atap ótip maqtaý, madaqtaý.

Abaı aýylyndaǵy orta mektep
mektepke deıingi shaǵyn ortalyqpen KMM Balapan toby
Myrzahmetova Merýert