Oılamaı otqa túsken netken janbyz,
Sóz uqpas mylqaý, meńireý, júrgen jalǵyz.
Kórinbes kózge túrtse qarańǵyda,
Iapyrm-aı, qaldyq pa endi tipti tańsyz?!
Taqaýly tamaǵynda ótkir pyshaq,
Tek jatyr tuıaq serippeı sonda da ańsyz.
Tyńdamas, sózge túspes, yryqqa kónbes,
Boldy ma qaıran qazaq tastaı jansyz?
Jer ketti, janyń ketti, qam jemediń,
Qul boldyń qara taban endi malsyz.
Ortaǵa qamap alyp qyryp jatyr
Qara júrek «nadandyq» qolmen sansyz.
Qazaǵym, arystanym, qaıratty erim,
Turdyń ba qarý qylmaı, qur amalsyz?
Ózińdeı adamzattar ne ǵyp jatyr,
Bos júrsiń baspanasyz, úıgen tamsyz,
Sandaldyń: aldyń - boran, artyń - tuman,
Túk kórmeı sáýle berer shyraq-shamsyz.
Bilimsiz ıt nadandyq jeńgeni me?
Býynyń qaltyraıdy bolyp álsiz.

---