Ádisker: Jahmetova B. K.
Sabaqtyń taqyryby: «Ósip kele jatyrmyn» Tólegen Aıbergenov.
Sabaqtyń maqsaty:
Bilimdilik: Oqýshyny Tólegen Aıbergenovtiń «Ósip kele jatyrmyn» atty óleńin mánerlep yrǵaǵyna keltirip oqýǵa, túsingenin áńgimeleı bilýge úıretý; aqynnyń keıipteý kezindegi paıdalanǵan áserli sózderiniń túıinin ashýǵa jaǵdaı jasaý.
Damytýshylyq: Óz betinshe shyǵarmashylyqpen jumys isteýge baýlı otyryp, baılanystyryp sóıleýin, shyǵarmashylyq oılaýyn damytý.
Tárbıelik: Pándi, muǵalimdi, bir - birin syılaýǵa, tyńdaýǵa tárbıeleý.
Túri: jańa sabaq.
Ádisi: suraq - jaýap, taldaý, izdený.
Kórnekiligi: taqyryptyq sýretter.

Sabaqtyń barysy:
Uıymdastyrý kezeńi:
Oqýshylardyń nazarlaryn sabaqqa aýdarý.
b) Psıhologıalyq daıyndyq:
Kún jaryǵyn alaqanǵa salamyn,
Júregime basyp ustap qalamyn.
İzgi ári názik, jaryq, meıirimdi,
Bolyp keter sonda dereý jan - jaǵym.

Úı tapsyrmasyn suraý:
- Balalar ótken sabaqta biz Appaq qys taqyrybynyń óttik. Qane, úı jumysyn kim aıtady?
- Aqyn ózen, teńiz, taý - tóbe ne kıgen deıdi?
- Aıaq astynda jatqan qardyń syqyryn, qyrdaǵy izdi nege uqsatady? (Roıáldiń aq tiline)
- Tańǵajaıyp aq álem qalaı syrlasady deıdi?
- Ombylap qardy keship aqyn neni izdep keledi? (kóktemdi).
- Jaraısyńdar, balalar! Úı tapsyrmasyn barlyǵyń jaqsy oryndar kelipsińder. Olaı bolsa biz jańa sabaǵymyzdy bastaıyq.

Jańa sabaq
- Olaı bolsa, búgingi sabaqta Tólegen Aıbergenovtiń taǵy bir «Ósip kele jatyrmyn» atty óleńin mánerlep yrǵaǵyna keltirip oqý arqyly balanyń ósý dárejesimen tanysamyz. oqý.
Oqýlyqpen jumys. Mánerlep, túsinip. Yrǵaq naqyshyna keltirip oqý. Óleńniń uıqasyna nazar aýdar.
- Óleńniń qandaı joldary bir - birimen uıqasyp tur?
- Óleńde aqyn ne jaıly jazǵan?
- Aqynnyń ózine degen senimi óleńniń qaı joldarynan baıqalady?
-«Adal ter» degendi qalaı túsinesiń?

Sergitý sáti.
Ornymyzdan turamyz,
Belge qoldy qoıamyz.
Burylamyz ońǵa bir,
Burylamyz solǵa bir.
Bir, eki, úsh,
Bir, eki, úsh,
Joǵary qoldy sozamyz,
Typ - tynysh qana otyramyz.

Dáptermen jumys.
Aqpannyń úshi.
Ósip kele jatyrmyn.
- Óleńniń sońǵy shýmaǵyn oqyp, jatqa jaz.

Qorytyndy.
- Búgin ne jaıly óttik?
- Sabaq unady ma?
- Nesimen unady?
- Jalpy búgingi sabaqtan alǵan áserleriń qalaı?

Úıge tapsyrma: Tólegen Aıbergenovtiń «Ósip kele jatyrmyn» jattaý,
№1 tapsyrma.

Baǵalaý: Sabaqqa belsene qatysqan oqýshylardy madaqtap, baǵalaý.
Muǵalim:
Baǵa: