Óskemende polıseıler jergilikti turǵynǵa bir mıllıon teńgeden astam qaryzy úshin izdeý jarıalanǵan áıeldiń ornyn anyqtady, dep habarlaıdy infohub.kz saıty.
İİM vedimistik saıtynda habarlanǵandaı, jeke sot oryndaýshysynyń qaryzgerdi izdeý týraly qaýlysy Óskemen qalalyq polısıa basqarmasynyń kóshi-qon qyzmeti bólimine túsken. Áıel 2025 jyldyń jeltoqsanynan beri óz mindettemelerin oryndaýdan jaltaryp kelgen.
Júrgizilgen izdestirý is-sharalary barysynda kóshi-qon qyzmetiniń qyzmetkerleri 31 jastaǵy qaryzger áıeldiń ornyn anyqtady. Ol Shymkentten tabyldy. Onyń orny týraly aqparat sot oryndaýshysyna qaryzdy májbúrlep óndirip alý sharalaryn qoldaný úshin berildi, delingen habarlamada.
Jyl basynan beri Shyǵys Qazaqstan oblysy polısıa departamenti izdeýde bolǵan 65-ten astam qaryzgerdiń ornyn anyqtady.
SHQO PD kóshi-qon qyzmeti atqarýshy qujattardyń talaptaryn oryndamaǵany úshin Qazaqstan Respýblıkasynyń zańnamasynda ákimshilik jáne qylmystyq jaýapkershilik qarastyrylǵanyn eske salady, sondaı-aq azamattardy qosymsha sanksıalardy boldyrmaý úshin óz mindettemelerin ýaqytyly oryndaýǵa shaqyrady, dep qosty polısıa.