16 shildede Óskemendegi Qazaqstan taýyndaǵy memlekettik tý jyrtylǵany baıqaldy. Bul týraly infohub.kz saıty habarlaıdy.
Áleýmettik jelilerde jyrtylǵan memlekettik nyshannyń sýretteri taratylýda. Týdyń uzyndyǵy – 24 metr, eni – 12 metr.
Óskemen qalalyq ákimdiginiń baspasóz qyzmeti redaksıaǵa: «Aýystyrý úshin brıgada shyǵyp ketti. Olar jedel túrde aýystyrady», – dep málimdedi.
Bul taýdaǵy týdyń jeldiń kúshti ekpininen jyrtylýy alǵash ret emes. 2014 jylǵy derek boıynsha, mundaı bir týdyń quny bir mıllıon teńgeden asqan. Qatty jelden mata tez tozady, jylyna birneshe ret aýystyrýǵa týra keledi. Mysaly, 2017 jyly osy týdy aýystyrýǵa bes mıllıon teńgeden astam qarjy jumsalǵan.
Buǵan deıin qazaqstandyq patrıottarǵa balkondarǵa tý ilýge ruqsat etilgen bolatyn.