28 shildede Óskemenge jaýǵan qatty nóser qala kósheleriniń sý astynda qalýyna, kólikterdiń zaqymdanýyna jáne qozǵalystyń buzylýyna sebep boldy, dep habarlaıdy infohub.kz.
Óskemen turǵyndary áleýmettik jelilerde tabıǵı apattyń saldary beınelengen vıdeo jarıalaýda. Sý oblys ortalyǵynyń joldaryn basyp qaldy, ásirese júrgizýshilerge qıyn boldy — kóbisi mejeli jerge jete almady. Kadrlarda keıbir kólikterdiń shalshyqta isten shyqqany, al keıbireýleriniń tipti órttenýine baılanysty sóndirilgeni kórinedi.
Sý qaıtpaǵandyqtan, turǵyndardyń bir bóligi kólikterin tastap, sý basqan kóshelermen jaıaý júrýge májbúr boldy.
Óskemen ákimdiginiń habarlaýynsha, qatty jańbyrǵa baılanysty qalanyń komýnaldyq qyzmetteri kúsheıtilgen rejımde jumys isteýde. Qazirgi ýaqytta sý basqan ýchaskelerden jańbyr sýyn sorý júrgizilýde. Jumystar kelesi mekenjaılar boıynsha júrgizilýde: Mıhaelıs kóshesi, Ýshanov alańy, Balalar bazary aýdany.
Jaýapty qyzmetter jaǵdaıdy baqylaýdy jalǵastyryp, qalanyń eń problemaly ýchaskelerinde kezeń-kezeńimen sýdy soryp jatyr.