17 shildede Óskemende eki kámeletke tolmaǵan adamnyń ómirin qıǵan jol-kólik oqıǵasy boldy, dep habarlaıdy infohub.kz.
Qalalyq prokýratýranyń málimetinshe, aýyr saldarly jol-kólik oqıǵasy Óskemende bolǵan. Aldyn ala derekter boıynsha, kámeletke tolmaǵan adam jeńil kólikti tizgindep kele jatyp, basqarýdy joǵaltqan. Sonyń saldarynan kólik kedergige soǵylyp, aýdarylyp, órtenip ketken. Qaıǵyly oqıǵa eki kámeletke tolmaǵan jolaýshynyń ómirin qıdy, — delingen qadaǵalaý organynyń habarlamasynda.
Júrgizýshi aýrýhanaǵa jatqyzyldy. Oqıǵa boıynsha Qazaqstan Respýblıkasy Qylmystyq kodeksiniń 345-baby 4-bóligi boıynsha sotqa deıingi tergeý bastaldy.