Eresek tobyna arnalǵan uıymdastyrylǵan tehnologıalyq kartasy
Bilim berý salasy: Qatynas.
Bólimi: Kórkem ádebıet
Taqyryby: Otbasyndaǵy syılastyq.
Maqsaty:
a) Otbasy múshelerin durys ataýǵa, sálemdesip, qoshtasýǵa, úlkendi syılap, qurmetteýge úıretý;
á) Otbasynda úlkenge - qurmet, kishige - qamqorlyq jasaýǵa baýlý;
b) Inabattylyqqa, kishipeıildikke tárbıeleý.
Qoldanylatyn kórnekti quraldar: otbasy týraly sýretter, hrestomatıa, jumys dápteri.

Motıvasıalyq – qozǵaýshylyq
Shattyq sheńberi
Pedagogpen birge Ermek Ótetileýulynyń «Bizdiń shańyraq» óleńin qaıtalaıdy.
Atamnan bastalar,
Ájemmen qostalar,
Otbasym mynalar,
Eń jaqyn adamdar:
Ákem men anam bar,
Bir týǵan aǵam bar,
Bir týǵan apam bar.
Bárin jaqsy kóremin,
Erkeleımin, eremin.
- Balalar óleńde ne týraly aıtylǵan?

Uıymdastyrýshylyq - izdenistik Kirispe áńgime(sýretpen jumys):
- Búgin biz oqý is - áreketinde otbasy jáne syılastyq týraly áńgimeleımiz.
- Sýretten kimderdi kórip tursyńdar?
- Otbasy múshelerine kimder jatady?
- Kim sýretke qarap, óz otbasy týraly aıtyp beredi?

Óleń oqý: Otbasy
Anań - úniń, júregiń,
Ákeń - ómir tiregiń,
Sen baqytty ulansyń,
Bári saǵan qýansyn!
Ájeń - asyl ardaǵań,
Atań - dana qorǵanyń,
Sen baqytty ulansyń,
Bári saǵan qýansyn!
(M. Qýanyshbekov)
Aǵa aqyly
Kim úlkendi syılasa,
Kim úlkendi tyńdasa,
Úlken bolǵan kezinde
Syıly bolmaq ózi de.
(Syrbaı Máýlenov)

Sergitý sáti
Bas baramaǵym - atam, úıdiń danasy,
Balań úırek - ájem, oshaq anasy,
Ortan terek - ákem, otaý panasy,
Shylydyr shúmek - sheshem, shańyraq ajajry,
Tıtteı bóbek - men, báriniń bazary.
(Ermek Ótetileýuly)
J. Muhamedjanovtyń «Syılaımyn» óleńin jattaý
Syılaımyn
Ata menen ananyń
Aıtqan tilin alamyn.
Úlken kisi jumsasa,
Qaıda bolsyn baramyn.
Tósekti ózim jınaıymyn,
Eshkimdi de urmaımyn.
Eshkim maǵan tımeıdi,
Men de bárin syılaımyn.

Dáptermen jumys:
1. Otbasy múshelerin ata.
2. Dastarqanǵa qandaı taǵamdar qoıylǵan?
3. Ózińniń otbasy múshelerin ata.
4. Dastarqan basynda kimder otyr?
5. Dastarqandy áshekeılep tolyqtyr.
Otbasyndaǵy syılastyq. júkteý