2025 jyly «Otbasy bankinde» qyzmetkerler tarapynan sybaılas jemqorlyq kórinisteri anyqtaldy. Olar klıentterdiń, rıeltorlardyń, jeke sot oryndaýshylary men notarıýstardyń múddesin lobbılegeni, sondaı-aq turǵyn úı kezegin jyljytqany úshin zańsyz syıaqy alǵan. Budan bólek, bir fılıal qyzmetkeri klıentterdiń nesıe qabilettiligin rastaıtyn jalǵan kiris qujattaryn jasap, olardy nesıe ótinimderine tirkegen, dep habarlaıdy infohub.kz saıty.
KASE-de jarıalanǵan banktiń 2025 jylǵy esebine sáıkes, anyqtalǵan faktiler boıynsha atalǵan qyzmetkerlermen eńbek sharttary jumys berýshiniń bastamasymen senim joǵaltýyna baılanysty toqtatylǵan. Bankte bul qyzmetkerlerdi qylmystyq jaýapkershilikke tartý týraly ótinishter jiberilgeni, qazirgi ýaqytta quqyq qorǵaý organdary birqatar qylmystyq ister boıynsha sotqa deıingi tergeý júrgizip jatqany atap ótildi.