Eski kózder bara jatyr azaıyp,
(Olar jaıly oılamaýdyń ózi aıyp).
Eı, tiriler!
Solardy bir eske alyp,
Tebireneıik, tolǵanaıyq, jazaıyq!
Ketti olar.
Kelmeske endi jol aldy,
Qajymaıtyn soldaty edi qoǵamnyń.
Qasıetin pash eteıik olardyń,
Qateligin keshireıik olardyń...
Tirshilikte kórinemiz ólmesteı,
Tura almaımyz eregespeı, beldespeı.
Óteıikshi birimizdi-birimiz.
Óshiktirmeı, ókpeletpeı, sen despeı?

---