Oıyn túrleri
Tanym: oılaý
Verbaldy oıyn
«Bolady - bolmaıdy»
Maqsaty: Oılaý, sebep – saldarlyq baılanystardy qalyptastyrý qabiletin damytý.
Nusqaý: Men ár túrli jaǵdaılardy aıtyp dopty laqtyramyn, eger osy jaǵdaılardyń bolýy múmkin bolsa ǵana dopty qaǵyp alyńyzdar da, múmkin emes jaǵdaılar bolsa dopty ustamańyzdar.
1. Mysyq tamaq pisirdi.
2. Mysyq tamaq jegisi kelip otyr.
3. Poshtashy hat ákeldi.
4. Túnde kún shyǵady
5. Mysyq tyshqandy qýdy.

Tanym: zeıin
Qımyldy oıyn
«Alaqan shapalaqtaý»
Maqsaty: bala zeıinin tez aýdarýǵa qabilettiligin jáne tez bólingishtigin damytý.
Nusqaý: «Men qazir sizderge ártúrli sózder oqımyn, al sizder osylardyń ishindegi tiri tabıǵatty beıneleıtin sózderdi oqyǵanda alaqandaryńdy shapalaqtap otyrýlaryńyz suralady.»

Tanym: oılaý
Dıdaktıkalyq oıyn
«Bul jerde ne artyq?»
Maqsaty: balanyń beıneli – logıkalyq oılaýymen oı operasıalarynyń, taldaý jáne jalpylaý prosesterin damytý.
Nusqaý: «Árbir sýrettegi beınelengen 4 zattyń bireý artyq zat bolyp tabylady. Sýretterge zeıin qoıyp qarap, qaı zattyń artyq jáne nege artyq ekenin anyqta».

Tanym: zeıin
Dıdaktıkalyq oıyn
«Ne ózgerdi?»
Maqsaty: balanyń yryqty zeıinin damytý
Nusqaý: Ústelge úsh - tórt oıynshyq qoıylady. (oıyn barysynda oıynshyq sanyn kóbeıtýge bolady) Budan soń baladan oıynshyqtardy este saqtaýy suralady. 1 - 2 mınýttan soń, balany teris qaratyp qoıyp, ústeldiń ústindegi oıynshyqtan bireýin alyp nemese oıynshyqtardyń ornyn aýystyryp qoıamyz. Sodan soń balany beri qaratyp, ústeldiń ústinen ne ózgergenin suraımyz.

Tanym: zeıin
Qımyldy oıyn
«Ruqsat etilmeıtin qımyl»
Maqsaty: balanyń zeıininiń turaqtylyǵyn damytý
Nusqaý: «Balalar, qane bárimiz túzý turyp maǵan nazar aýdaryńyzdar. Qazir men qolymmen túrli qımyldar jasaımyn. Al sizder osy qımyldardy muqıat qarap otyryp, meniń artymnan qaıtalap otyryńyzdar. Biraq myna shartty umytpańyzdar; qolyńyzdy tómen túsirýge bolmaıdy. Men qolymdy tómen túsirgende, sender joǵary kóterińizder. Kim qatelesip menimen birge qolyn tómen túsirip qoısa, sol oıynnan shyǵady»

Tanym: zeıin
Dıdaktıkalyq oıyn
«İzdep tap»
Maqsaty: Zeıindilik pen baıqampazdyqty jattyqtyrý
Nusqaý: «Úsh úlestirme qaǵazda ártúrli sýretter salynǵan. Sýrette salynǵan zattardyń sany birdeı bolǵanymen, basqa sýrette keıbir zattar joq, al bir zattar eki sýrette de salynǵan. Ol qandaı zattar? Mine, osy zattardy tap» (toppen)

Tanym: qıal
Verbaldy oıyn
«Jańa ertegi»
Maqsaty: Qıaldy damytý.
Júrgizýshi otyrǵan balalarǵa ertegi keıipkerlerin ataıdy, sýretterin kórsetedi. Mysaly: kempir, shal, túlki, arystan, tyshqan t. b. Atalǵan keıipkerlerdi biriktire otyryp jańa ertegi mazmunyn qurastyryp aıtýdy usynady. Balalar ertegi qurastyrady. Eń qyzyqty ertegi oılap tapqan bala júrgizýshi bolyp oıyn jalǵastyrady.

Tanym: qıal
Artterapıa
«Sıqyrly dóńgelekter»
Maqsaty: Qıaldy damytý.
Balaǵa arnaıy salynǵan birneshe dóńgelekter beriledi. Olardan janýarlardyń beınesin jasaý usynylady. Bala óz qıalymen sýretti tolyqtyryp, dóńgelekterdi janýarǵa aınaldyrady.
Oıyn túrleri. júkteý