Oıynshyqtardy qımaımyz – bóbekterge syılaımyz
Mektepaldy daıarlyq tobynyń balabaqshamen qoshtasý erteńgiligi

Zal ásem sharlarmen, oıynshyqtarmen jáne jalaýshalar ilinip ádemi bezendirilgen. Balalar zalǵa «Aıgólek» mýzykasymen bılep kóńildi kiredi. Bı bitken soń jarty sheńber quryp turady.
Gımn: «Ánuran» oryndalady.
Tárbıeshi: Qymbatty ata - analar, balabaqsha qyzmetkerleri. Qurmetti qonaqtar, búgin biz birneshe jyl mápelep, kútip tárbıelegen búldirshinderimizdi uıamyzdan ushyryp, mektepke shyǵaryp salǵaly otyrmyz. Árıne bul úlken toı, úlken mereke.
Mektepaldy daıarlyk tobynyń
«Oıynshyqtardy qımaımyz – bóbekterge syılaımyz» (hormen) atty erteńgiligimizdi bastaımyz.
Tárbıeshi:

Ótti qyzyq, kóp kúnder,
Alty jasqa jettińder,
Barasyńdar mektepke
Bir belesten óttińder.

Ósti aqyl oılaryń,
Ósti mine boılaryń
Qýanyshqa ortaqpyn,
Qutty bolsyn toılaryń.

Aqerke:
Qurmetti qonaqtar, armysyzdar
Bárińiz de esen - saý barmysyzdar,
Taýsylmastaı aǵytyp oı - armannyń,
Al dostarym, qysylmastan sóılegin.

Nurdáýren:
Aq tilekti aǵytyp bir tastaıyq,
Qoshtasatyn keshimizdi bastaıyq
Júzderińnen kórem shattyq araıyn
Bolsyn solaı ár bir kúniń, aıyń.

Hor: «Bizdiń balabaqshamyz»
Bı: Úndi bıi «Zýbı - zýbı»

Maıa:
Bul qýanysh sebebin,
Bizge qarap uǵyńdar,
Er jetti dep bóbegim
Týǵan Otan qýansyn,
Týǵan dala qýansyn.

Dáýren:
Balabaqsha besigim
Taǵy bir toı jasaıyq!
Ashyp mektep esigin
Ózińmen qoshtasaıyq!

Ulan:
Qýanamyz, syılaımyz.
Qýanyshtyń myń gúlin.
Baqshamyzben qımaı biz
Qoshtasatyn kún búgin,

Botaqandaı bóbek dep,
Erkeletken ul - qyzyn
Anamyzdy erekshe
Qýantamyz biz búgin.
Oıynshyqtardy qımaımyz – bóbekterge syılaımyz. júkteý