Ózbekstan bıligi steıblkoınderdi qamtamasyz etý talaptaryn keńeıtip, emıtentterge qolma-qol aqshamen qatar memlekettik baǵaly qaǵazdardy paıdalanýǵa ruqsat berdi, dep infohub.kz habarlaıdy.
Buǵan deıin eksperımentaldy rejımde steıblkoınderdi shyǵarý tek ulttyq nemese shetel valútasyndaǵy qamtamasyz etý bolǵanda ǵana múmkin edi. Endi emıtentter ózderine tıesili memlekettik baǵaly qaǵazdardy da qamtamasyz etý quramyna qosa alady.
Jańa talaptar boıynsha, aqsha qarajaty Ortalyq banktegi arnaıy shotta saqtalýy kerek, al memlekettik oblıgasıalar retteýshiniń paıdasyna Ortalyq depozıtarıde buǵattalýy tıis. Bul rette emıtent baǵaly qaǵazdar boıynsha kýpondyq kiris jáne basqa tólemderdi alý quqyǵyn saqtaıdy.
Qujat sondaı-aq sıfrlyq aktıvter ustaýshylaryn qorǵaýǵa qosymsha talaptar belgileıdi. Ortalyq banktegi shotta ornalastyrylǵan qarajattyń jıyntyq quny men buǵattalǵan memlekettik baǵaly qaǵazdardyń nomınaldyq quny aınalystaǵy barlyq steıblkoınderdiń jalpy nomınaldyq qunynan kem bolmaýy kerek.
Sonymen qatar, retteýshi mundaı qamtamasyz etýdi qalyptastyrý úshin qaryz qarajatyn, onyń ishinde nesıeler men kepilge qoıylǵan múlikti paıdalanýǵa tyıym saldy.