Ózenine asyqqan bulaqtaıyn,
Enesine júgirgen laqtaıyn,
Jaıqalaıyn janyńda quraqtaıyn,
Endi men de saǵan kep turaqtaıyn.
Asqar taýǵa soǵylǵan daýyldaıyn,
Aqtarylǵan aspannan jaýyndaıyn,
Damyldaıyn, saǵan kep damyldaıyn,
Aýa bermeı aýlaqqa saǵymdaıyn.
Ózimmenen saparǵa bir attanǵan,
Qurbylardyń bári de turaqtanǵan.
Aq úmitti úzdeıin bir kezdegi,
Umyt bolyp jurtymda jylap qalǵan.
Óz ornynda, ózgermeı tur aq qaıyń,
Turaqtaıyn, men de endi turaqtaıyn.
Ar úmiti - joǵalǵan aq úmitim,
Tabaıyn da, seni endi jylatpaıyn...

---