Amerıkalyq reper Shon Kombstyń (P. Diddy) múddesin qorǵaǵan Sher Tremonte zań fırmasy tólenbegen shottar men klıentpen baılanystyń tolyq úzilýin syltaýratyp, odan ári qorǵaýdan bas tartty. Zańgerler tıisti ótinishti sotqa joldady, dep habarlaıdy infohub.kz saıty.
Fırma Kombsty somasy 100 mıllıon dollardan asatyn jala jabý týralyshýly iste qorǵaǵan. Advokattardyń málimdeýinshe, reper jarty jyldan astam ýaqyt boıy qalamaqy tólemegen, sot shyǵyndary men ózge de shyǵystardy ótemegen.
«Kombs qalamaqynyń, shyǵyndar men ótemaqylardyń edáýir qaldyǵyn tólemedi», — dep keltiredi fırma seriktesi Maıkl Tremonteniń sózin The Guardian.
Sonymen qatar zańgerler sońǵy tórt aı ishinde P. Diddy ýaqtyly ári mazmundy kelissózderden jaltarǵanyn aıtady. Nátıjesinde yntymaqtastyq is júzinde toqtap, advokattar onyń múddesin budan bylaı tıimdi qorǵaı almaıtyn jaǵdaıǵa jetti.
Kombstyń ózi zańgerler tobyn aýystyrýdy birinshi bolyp ózi sheshkenin málimdeıdi. Reper fırmany qyzmet qunyn asyra kórsetip, ózimen kelisilmegen shottardy usyndy dep aıyptady. Sher Tremonte bul talaptardy joqqa shyǵardy.
Kombstyń talap-aryzy mýzykalyq menedjer Kortnı Berdjeske, advokat Arıel Mıchellge jáne NewsNation telearnasyna ıelik etetin Nexstar medıakompanıasyna qarsy qoıylǵan. Reper olardy ataqty adamdar men kámeletke tolmaǵandarǵa jasalǵan jynystyq zorlyq-zombylyq týraly beınejazbalar bar degen jalǵan málimdemeler taratty dep aıyptaıdy.
Qazirgi tańda P. Diddy 50 aılyq jazasyn ótep jatyr. Alqabıler ony qorqytyp alý jáne seks-saýda jasaý aıyptary boıynsha aqtady, alaıda jezókshelikpen aınalysý úshin adam tasymaldaýdyń eki epızody boıynsha kináli dep tanydy.