Amerıkandyq reper jáne prodúser Shon Kombs, P. Diddy retinde tanymal, túrmeden bosatylý kúni qaıta aýystyryldy. Endi ol 2028 jylǵy 20 aqpanda bosatylady, dep habarlaıdy infohub.kz saıty.
Ataqty tulǵa áıelderdi jezókshelikke tartqany úshin jazasyn ótep jatyr. Alqabıler ony aýyr baptar boıynsha — adam saýdasy jáne reket — aqtady. 2025 jylǵy qazanda reper 4 jyl 2 aıǵa bas bostandyǵynan aıyryldy. Onyń advokattary birden apelásıa bere bastady, al P. Diddy Donald Trampqa jazasyn jeńildetý týraly ótinish jasady.
Nátıjesinde ánshiniń jaza merzimi birneshe ret ózgerdi. Bastapqyda ol 2028 jylǵy maýsymda bosatylýy kerek edi. Apelásıalyq ınstansıa merzimdi birneshe ret qysqartty. Sońǵy ret, bir apta buryn, 2028 jylǵy qańtar dep ataldy, ıaǵnı reper jarty jyl buryn bosatyla alatyn edi.
Endi, People.com AQSh Federaldyq túrme búrosyna silteme jasap habarlaǵandaı, bosatylý kúni 2028 jylǵy 20 aqpan dep kórsetilýde. Merzim, shamasy, Kombstyń shildede basqa tutqynmen bolǵan tóbelesine baılanysty uzartylǵan.
Buǵan deıin Kursiv LifeStyle P. Diddy túrmede ishimdikten bas tartyp, tutqyndarǵa kómek baǵdarlamasyn bastaǵanyn jazǵan.