P.Diddy laqap atymen tanymal Shon Kombs Nú-Djersı shtatyndaǵy federaldyq túrmede jazasyn ótep jatyr. Ol aı saıyn myńdaǵan dollar jumsap, erekshe qyzmetter men tyıym salynǵan zattardy paıdalanyp júrgeni aıtylyp otyr, dep habarlaıdy infohub.kz saıty.
NUR.KZ-tiń NBC News-ke silteme jasap habarlaýynsha, mýzykanttyń «sándi ómiri» týraly onyń blogyndaǵy tórt tutqyn áńgimelep bergen. Olardyń aıtýynsha, Kombske tamaq daıyndap, bólmesin jınap, kıimderin jýyp, massaj jasap beredi.
«Muny túrmede ádette kóre bermeısiń. Bul — baı adamnyń ómiri», — dep keltiredi NBC News aqparat kózderiniń biriniń sózin.
Sonymen qatar telearna suhbattastarynyń dereginshe, Kombs tyıym salynǵan telefondy paıdalanyp júrgen bolýy múmkin. Tutqyndardyń biri mýzykantpen birge Hennessy konágin ishkenin de aıtqan.
Aqparat kózderiniń málimetinshe, P.Diddy aı saıyn basqa tutqyndardyń qyzmetine myńdaǵan dollar jumsaıdy: olar oǵan arnaıy taǵamdar daıyndap, bólmesin jınap, zattaryn saqtaıdy.
Buǵan deıin sottalǵan reper Shon Kombstyń basqa tutqynmen tóbeleskennen keıin jalǵyz kameraǵa aýystyrylǵany habarlanǵan. Eske salaıyq, byltyr Kombs burynǵy qyz dosy men taǵy bir áıeldi shtattar arasynda jezókshelikpen aınalysý úshin tasymaldaǵany boıynsha federaldyq aıyptaýlar boıynsha kináli dep tanylǵan. Alaıda sot ony qylmystyq sóz baılasý men jynystyq qanaý maqsatynda adam saýdasyna qatysty neǵurlym aýyr aıyptaýlar boıynsha aqtaǵan.
Sot mýzykantty 50 aıǵa bas bostandyǵynan aıyrdy. Qazirgi tańda ol Nú-Djersı shtatyndaǵy Fort-Dıks federaldyq túzeý mekemesinde jazasyn ótep, shyǵarylǵan úkimge shaǵymdanýǵa tyrysyp júr.