Amerıkalyq reper ári prodúser P. Diddydiń (shyn esimi — Shon Kombs) túrmeden shyǵý merzimi qaıta qaraldy: endi ol 2028 jylǵy 21 qańtarda bosanýy múmkin, dep habarlaıdy infohub.kz saıty.
Buǵan deıin ártis tordyń artynda birneshe aı artyq otyrady dep boljanǵan. USA Today basylymynyń jazýynsha, AQSh Federaldyq túrmeler búrosy Kombstyń bosatylý kúnin taǵy bir ret túzetken. Alǵashynda shyǵý 2028 jyldyń sáýirine josparlanǵan, keıin kún 8 mamyrǵa, odan soń 2028 jylǵy 5 aqpanǵa aýystyrylǵan. Endi ol taǵy da shamamen eki aptaǵa shegerildi.
Qazir Kombs FCI Fort Dix federaldyq túrmesinde 50 aılyq jazasyn ótep jatyr. 2025 jyldyń qazanynda alqabıler soty ony shtataralyq shekaradan adamdardy jezókshelikpen aınalysýǵa tasymaldaý boıynsha eki tarmaq boıynsha kináli dep tanydy. Eń aýyr aıyptar — reket jáne jynystyq qanaý maqsatynda adam saýdasy — boıynsha Kombs aqtaldy.
Úkim shyqqannan keıin bosatý kúni birneshe ret ózgerdi. Onyń ishinde merzim amerıkandyq First Step Act zańynyń erejeleri eskerilip qysqartyldy. Shyǵý kúnine tutqynnyń minez-qulqy da áser etýi múmkin. P. Diddydiń ókili Djýda Engelmaıer ártistiń tarapy Federaldyq búronyń bosatý kúnin nege únemi ózgertip jatqanyn bilmeıtinin málimdedi.
Túrmeden shyqqan soń Kombs taǵy bes jyl qadaǵalaýda bolady. Sot oǵan birqatar shekteý de belgiledi.
Buǵan deıin Kursiv LifeStyle amerıkandyq reper Shon Kombstyń (P. Diddy) advokattary tólenbegen shottar men baılanystyń tolyq úzilýine baılanysty onyń múddesin qorǵaýdan bas tartqanyn jazǵan. Zańgerler sottan isten shyǵýǵa ruqsat suraǵan.