Pákistanda alapat oqıǵa boldy: Svat okrýgindegi polısıa bólimshesiniń janynda bolǵan qatty jarylystan keminde 14 adam, onyń ishinde tártip saqshylary qaza tapty, taǵy 18 adam jaralandy, dep habarlaıdy infohub.kz saıty.
Oqıǵa Haıber-Pahtýnhva provınsıasyndaǵy Svat okrýgindegi Kabal polısıa bólimshesiniń qaqpasynda boldy. Polısıa málimetinshe, jarylysty jankeshti terrorıst jasaǵan. Shabýyl kezinde jaqyn mańdaǵy Kabal-Choýk alańynda beıbit mıtıń ótip jatqan: júzdegen jergilikti turǵyn Svat ańǵaryndaǵy terorızmniń sońǵy ýshyǵýyna narazylyq bildirý úshin jınalǵan edi.
Dawn basylymy polısıanyń málimdemesine silteme jasap, qaza tapqandar arasynda quqyq qorǵaý organdarynyń qyzmetkerleri bar ekenin habarlaıdy. Jaralanǵandardyń keıbiri aýyr jaǵdaıda bolǵandyqtan, qurbandar sany artýy múmkin.
Áleýmettik jelilerde oqıǵa ornynan túsirilgen kadrlar taralýda, onda qıraǵan jerler men qutqarýshylardyń kelgeni kórinedi. Teraktiniń jaýapkershiligin ázirge eshkim óz moınyna alǵan joq.