Ulybrıtanıa soty Palestine Action tobynyń bes belsendisin terrorıst retinde sottaýdan bas tartty. Bul sheshimdi sýdıa Fılıp Perrı qabyldady. Belsendiler Bernlıdegi Barclays bankiniń bólimshesine shabýyl jasaǵany úshin kináli dep tanylǵan edi.
«Barclays bestigi» dep atalatyn topqa Brendon O’Hagan (28), Amanda Kellı (31), Hmıra Atıknısar (31), Mohammed Malık (28) jáne Alma Ianıv (70) kiredi. 2024 jyldyń tamyzynda olar Lankashırdegi bank bólimshesiniń terezelerin syndyryp, qyzyl boıaý shashyp, 200 000 fýnt sterlıńten astam shyǵyn keltirdi. Olar maýsym aıynda kináli dep tanyldy.
Top músheleri bul áreketti Barclays bankiniń ızraıldik qarý-jaraq kompanıasy Elbit Systems aksıalaryn ustaýyna narazylyq retinde jasaǵandaryn aıtty. Olar kináli dep tanylǵanǵa deıin isteriniń terorızmmen baılanysty qaralýy múmkin ekenin bilmegenderin jetkizdi. Olardy kináli dep tanyǵan alqabıler de mundaı múmkindiktiń bar ekenin bilmegen.
Bes belsendi maýsymda kináli dep tanylǵannan keıin, sýdıa Fılıp Perrı aıyptaýshy men qorǵaýshyǵa qylmystyń «terorıstik baılanysyn» qarastyrýdy nıettengenin aıtty. Bul sot prosesi barysynda jańa aqparattyń anyqtalýyna baılanysty bolǵan.
2024 jyldyń qazan aıynda Barclays banki Elbit Systems kompanıasynyń barlyq aksıalaryn satqany habarlandy. Bank buǵan deıin aksıalardy tek klıentterdiń tapsyrystaryna baılanysty ustaıtynyn, qarý-jaraq kompanıasynyń ınvestory da, aksıoneri de emes ekenin málimdegen.
Bul iske qatysty tolyǵyraq aqparat keıinirek jarıalanady.