21-23 tamyz aralyǵynda Almatydaǵy Pervomaı toǵandary aýmaǵynda Park Live Almaty festıvali ótip, úsh kúnde 60 myń kelýshini jınady. Kórermender sheteldik jáne qazaqstandyq ártisterdiń ónerin tamashalaýǵa keldi, dep habarlaıdy infohub.kz saıty.
Festıváldiń hedlaınerleri — amerıkalyq rok-mýzykant Djek Ýaıt, brıtandyq Gorillaz toby jáne pank-rokerler The Offspring. Sondaı-aq sahnada The Kills, Bloodywood, CeeLo Green, De La Soul, Glassjaw, Dequine, Dirty Ctrl, Pigz, Kezeñ jáne reseılik «Porez na sobake» toby óner kórsetti.
Festıváldiń bas seriktesi — Freedom holdıńi. Kompanıa alańynda kvest, mýzykalyq battl, serf-rodeo, VR-oıyn jáne basqa da oıyn-saýyqtar uıymdastyryldy. Kelýshiler Freedom SuperApp servısterimen de tanysa aldy.
Úsh kún boıy bir alańda ártúrli janr men urpaq ókilderi bas qosty. Ásirese 22 tamyzdaǵy Gorillaz konserti kórermendi kóp jınady: bul kúni Pervomaı toǵandary festıválge kelgen ondaǵan myń adamǵa toly boldy.
Alaıda mundaı aýqymnyń keri jaǵy da bar ekenin atap ótken jón. 60 myń adam — bul Almaty mańynda tıisti ınfraqurylymy bar jeke alańdy qajet etetin kólem. Pervomaı toǵandary mundaı jappaı is-sharalarǵa arnalmaǵany anyq. Festıvál kezinde qonaqtar keptelis, taksı baǵasynyń qymbattyǵy, kólik tapshylyǵy, kirý men shyǵýdyń qıyndyǵyna shaǵymdandy.
Buǵan deıin Kursiv LifeStyle Park Live qonaqtary kólik qoıatyn oryn izdep júrgende, jergilikti turǵyndar kólik aǵynynan aqsha tabýdy uıǵarǵanyn jazǵan.